راجع لحضن حبيبي

خلاص انا م الفجر
ح اودع طريق الهجر
وارجع لحضن حبيبي
ده هو نور البدر
ح ارجع واقوله سماح
م قدرت يوم ارتاح
ده الشوق اليك لواح
يا حلم ليلة قدر
خلاص انا م الفجر
راجع وكلي امال
ننسى اللي كان واتقال
ونعيش ف حب جديد
ولا بينا اي محال
نهجر سنين البعد
نفتح بيبان السعد
من قلبي ياخد وعد
م يكونش بينا جراح
ح ارجع واقوله سماح
م قدرت يوم ارتاح
ده الشوق اليك لواح
يا حلم ليلة قدر
خلاص انا م الفجر
طالب يارب يكون
فاكر وقلبه حنون
مستني قلبي يعود
وغرامه يملى الكون
ننده على الاحلام
نغرق ف احلى هيام
وننادي يا ايام
خلي العذاب ينزاح
ح ارجع واقوله سماح
م قدرت يوم ارتاح
ده الشوق اليك لواح
يا حلم ليلة القدر
خلاص انا م الفجر