الموت امل

الموت امل بيشق جدران يأسنا
وبيتولد على ايده نور يرسملنا
حياه جديده بتساوي بين كل البشر
نهارها شمس وف ليلها بيطلع قمر
الحب سورها وحضنها مليان ورود
والعدل فيها صوته عالي ملوش حدود
وان يوم بكينا نلاقي حضن يضمنا
ومادام ف موتنا امل جديد
لازم نموت
من غير م نندم ع الحياه
من غير شروط
لازم نضحي بكل شئ
غالي ونفيس
ونقول يا ظلم خلاص حقيقي
بقيت رخيص
لازم تموت بس موتك
مش ح يولد ظلم تاني
راح يتولد بعدك حنان
راح تتولد بعدك اماني
مليانه عدل ورحمه
وحب وسلام
مليانه نور بيتحدى
كل الظلام
مليانه خير بيجمعنا ويلمنا
الموت امل بيشق جدران

شكرا مرورك الغالي
واتمني ان تسعدني بقرائتك
لمواضيعي المتواضعه
اختك شهد ايمن