أمتى

لو كل العالم مره يشوف
اصوات الحق بتتردد
ح يدب ف قلبه حقيقي الخوف
ومازاعمه الواهيه ح تتبدد
لكن طول م احنا بنتفكك
ونظن ف بعضنا ونشكك
ح نلاقي الظلم بجبروته
يعلى ويتسيد بشروطه
ويموت العدل يموت صوته
لو كل العالم مره يشوف
لملمي يا عروبه شتات الولد
ده الغادر كل دقيقه بجلد
وتعالى نحقق للملايين
امجاد الجد صلاح الدين
ونصحي ضمير البني ادمين
قبل م يطوينا الليل والبعد
لو كل العالم مره يشوف
صهيوني ومهما يحاول لا
غدره ده فاق الحد وعداه
وسلام بسلام او حرب بحرب
مهما تحاول ملايين الغرب
ح نخطي الليل ونخطي الصعب
والفجر يطل علينا ضياه
لو كل العالم مره يشوف
شهدائنا دماهم روت الارض
وانتهك الغدر الدين والعرض
ولامتى ح نفضل كده ساكتين
ودموع القدس بقالها سنين
راجعوا يا عالم احكام الدين
تحريرها علينا ده حق وفرض
لو كل العالم مره يشوف
ارهابهم قالوا عليه تحصين
والعالم كله يرد امين
وكأن الدنيا دي غاية تمام
فيها الاقوى بيفرض احكام
وعلى المظلوم يقبل وينام
من غير لا صراخ ولا حتى انين
لو كل العالم مره يشوف