وانته معدي على الاحلام

وانته معدي على الاحلام
خد بالك من حلم صغير
بتعدي عليه الايام
وف ريشه بتقصف وتطير
وبرغم ده كله وبيعافر
وف امله متبت بأيديه
ف طريقه المليان بالعتمه
احساسه بيقدر يهديه
وانته معدي على الاحلام
لما ح تيجي عينيك ف عنيه
ح تسلم وانت بتتألم
ح تحس انك لازم ترجع
لبدايتك تاني وتتعلم
ازاي تتحمل اوجاعك
والموجه م تكسرش شراعك
وف عز م توهتك وضياعك
وخدينك تصرخ تتكلم
وانته معدي على الاحلام
لو حسيت بدموع ف عينيك
اعرف ان ساعتها بدايتك
وان الصخر ده سهل عليك
لو حطيت قدامك غايتك
ايوا كلامي ده سهل بسيط
فيه شقلبه على روح تنطيط
بس كمان له معنى غويط
حط ف وشك صدق مرايتك
وانته معدى على الاحلام