الله يرحم الانسان

الله يرحم ده الانسان
اللي عزيمته كما البركان
كنت تلف العالم تسمع
سيرته بتسري ف كل مكان
عللى مباني وعدى بحور
كسر العتمه وجه بالنور
عنده الحلم م كنش قصور
حلمه يوصل بر امان
الله يرحم ده الانسان
يوعد يوفي بكل م فيه
وقت الشده اكيد تلاقيه
عمر م هان الحق عليه
مهما ان حاولوا ومهما ان كان
الله برحم ده الانسان
ياما سمعت عليه حكايات
قلت اشوفه قالوا ده مات
سكن العقل وملك الذات
من غير سحر ومن غير جان
الله يرحم ده الانسان
كلمه اخيره ح اقولها واروح
قبل م ييجي اوان الروح
يااللي مليت احلامنا جروح
بكره يجيلك برضه اوان
والله يرحم ده الانسان