تاه الكلام

تاه الكلام وسط الزحام
والايد فلت منها الزمام
والقلب كاتم صرختين
صرخة غنى وصرخة الام
تاه الكلام
تاه زي نجمه ف ليل شتا واختفى
والقلب عاش ف البرد يحلم بالدفا
جوه البيت العتيق
ابو جدران من ورق
خاض حلمه البرئ
والعمر بيتّسرق
تحت سحابة غيام
تاه الكلام
قلبي اللي عاش ينده على الحب يلاقيه
ضل الطريق والحزن بقه حضن يواسيه
ومفيش مفر من العذاب غير الندم
على كل لحظة ضعف سطرها القلم
تاه الكلام