برده بحبك

لو حبسوكي ف اي قفص
برضه ح احبك وافضل ادوب
واوهب قلبي اليكي حرس
يقدر على اجدعها قلوب
بتحاول تلمس لو شعره
من شعرك يا حبيبة القلب
وعشانك ح اقدر واتحمل
لدغة حيه وعضة كلب
م انتي المصل اللي بيحميني
من عضتهم من لدغتهم
يبقى ازاي تقدري تنسيني
وف حبنا كدهو نشمتهم
ارضي بقلبي الدايب فيكي
رسي مراكبي ف شط عنيكي
دايما خلي الشوق يرميكي
بين احضاني انا المحبوب
لو حبسوكي ف اي قفص
برضه ح احبك وافضل ادوب