قلعت دبلتك

قلعت دبلتك
وح اعيش عمري اللي باقي
بعيد عن دنيتك يمكن ف يوم الاقي
قلب صادق يشفي قلبي م الجراح ويخاف عليه
قلب يفهم معنى حبي م ابقلوش ف يوم ضحيه
تبقى كل حياته ليه يبقى روحي ونور عنيه
ينسييني قسوتك
كنت باسامح واقول بكره يمكن تفهميني
اتاريني باقول واقول وانتي سيباني لانيني
دبلتك تعصر ايديه يتعصر وياها قلبي
والعذاب اجمل هديه كات عشاني رغم حبي
خدعتني رقتك
مش ح ادمع واشكي حالي لليالي واقول ياريت
ح امحي صورتك من خيالي وانسى اني يوم هويت
قلب جارح صعب يفهم اي معنى للوفا
قلب مهما قاسيت عشانه
حضنه بارد مش دفا
توهتني سكتك