انهضي يا عروبه قبل فلسطين

ياعروبه انهضي قبل فلسطين
م تموت بايدين المحتلين
ونلاقي القدس خراب ودمار
وكفايه رضينا الظلم سنين
ياعروبه انهضي قبل فلسطين
اصرخي لمي ولادك وحده
لميهم جه وقت الشده
يانعيش احرار م النهارده
يا ح نندم وح نفضل تايهين
يا عروبه انهضي قبل فلسطين
صحوتنا دي نور انتفاضتنا
وياها ح تكمل مسيرتنا
ولا اي سلاح ح يسكتنا
قدام اعدائنا نقف صامدين
ياعروبه انهضي قبل فلسطين
اطفال بيموتوا وبيضحوا
ارواحهم بتقولنا اصحوا
جند الاعداء قاصدين يمحوا
قدسنا وازاي نفضل ساكتين
يا عروبه انهضي قبل فلسطين
دي جراحنا ومين راح يشفيها
الا ايدينا دي نقدر بيها
نتخطى المحنه نعديها
ونقف للعالم منتصرين
يا عروبه انهضي قبل فلسطين
ارواحنا دي من غير حريه
ترخص ولا يبقلهاش ديه
ايام نلاقيها معديه
قدامنا ولا احنا كده حاسين
يا عروبه انهضي قبل فلسطين