الليل

الليل أهه غير جلده خلاص
و قلبها نهار ف نهار
و الشمس ف حضن السما بتدور
و لا عدش يا ناس أسرار
أصل أنا م بحبش ف الأمثال
الليل ديمآ ستار
الليل أهه غير جلده خلاص وقلبها نهار ف نهار
بامشيها ف عز النور م باخاف
م انا واضحه و زي الشمس
لا باخبي ف قلبي السر اياه
ولا صوتي بيهمس همس
لا باخش ف هوجة قولنا و قال
ولا باندم و لا باحتار
م انا اصلي م احبش ف الأمثال
الليل ديمآ ستار
الليل اهه غير جلده خلاص و قلبها نهار ف نهار
ف عنيا الحلم طريق مرسوم
مش سكة ليل و ضلام
ولا خوف بيدق بيبان القلب
و يملى حياتي آلالام
م انا ديمآ باسأل ألف سؤال
قبل م اخطي المشوار
علشان م باحبش ف الأمثال
الليل ديمآ ستار
الليل اهه غير جلده خلاص و قلبها نهار