قولها بصراحه

قولها بصراحه واتخلّص
من أي خوف
وبص على دنيا الأمل
بالقلب شوف
أوقات عنينا بتخدعنا
من ثانيه فرح بتمنعنا
و كأن صرخة أوجاعنا
دي شيىء مألوف
قولها بصراحه و اتخلّص من أي خوف
ارميها ف الوش اللي خان
لو حتى أحضانه الأمان
اياك تقول د كان زمان
و اليأس ف ضلوعك يطوف
قولها بصراحه و اتخلّص من أي خوف
مش باقي غير قارب نجاه
يا نعدي بيه يا الحلم تاه
جرحك و بين ايدك دواه
ما توقفش ف نهاية الصفوف
قولها بصراحه و اتخلّص من أي خوف