العمر لسه

العمر لسه مانتهاش
والجي اجمل
بس انت عيش حلمك بلاش
يا صاحبي تقبل
شمسك تغيب وتقول نصيب
تتوه كما التايهين
انسى الهموم اطوي الغيوم
اصمد كما الصامدين
الموج علي افرد شراعك واهزمه
لف المواني ويا حلمك وارسمه
كل اللي يأسوا قبل منك سلموا
بس الندم اه والالم في القلب عاش
العمر لسه ما نتهاش
ومدام قلبك بينبض
ليه احلامك تموت
ادخل دنيا التحدي
واهجر دنيا السكوت
لملم عزيمتك وابتدي وكمل المشوار
سايس جراحك بالامل وخطي فوق النار
عيش اللي باقي من حياتك حضن دافي وضل
لكل بائس في الحياه مستني شمسه تهل
مد الايدين للناس وحس اوجاعهم
بادلهم الاحساس وبقلبك اسمعهم
تلقى الجراح بتدوب والمستحيل مغلوب
والفرح تضوي نجومه تملي دروب ودروب
الموج علي افرد شراعك واهزمه
لف المواني ويا حلمك وارسمه
كل اللي يأسوا قبل منك سلموا
بس الندم اه والالم ف القلب عاش
العمر لسه ما نتهاش