قلوب ملهاش ضمير

ح تحاسب مين يا قلبي
دي قلوب ملهاش ضمير
الذنب حقيقي ذنبي
عشت عشانهم اسير
خطوه بخطوه ملازمهم
حزن و فرح مقاسمهم
حلفولي بأني منهم
فرشولي الشوك حرير
ح تحاسب مين يا قلبي
دي قلوب ملهاش ضمير
بص وشوف الملامح
واتأمل ف العيون
ح تلاقي الظلم جامح
والشر سيف مسنون
ازاي يا قلبي قولّي
صدقت عشقت ذلّي
ليه الطيب تملّي
جرحه بيبقى المصير
خطوه بخطوه ملازمهم
حزن وفرح مقاسمهم
حلفولي بأني منهم
فرشولي الشوك حرير
ح تحاسب مين يا قلبي
دي قلوب ملهاش ضمير